Kandidati për kryetar të Komunës së Klinës, Sokol Bashota, njëherësh kryetar i degës së PDK-së dhe i Komunës së Klinës, bashkë me kandidatët për Kuvend, sonte mbajtëm tubim elektoral me anëtarë dhe simpatizantë të Partisë Demokratike të Kosovës në fshatin Gjurgjevik i Vogël dhe Zajm të Klinës para të cilëve u shpalos programi zgjedhor.
Bashota, premtoi realizimin e projekteve të nevojshme për këto dy fshatra, siç janë ujësjellësi, kanalizimi, asfaltimi i rrugëve, rregullimi i shtratit të lumit “ Drini i Bardhë” dhe projekte tjera të nevojshme për këto dy fshatra.
Në të dy tubimet kishte numër të madh të qytetarëve në mbështetje të kandidatit Sokol Bashota.
“Duke u mbështetur në punën dhjetë vjeçare të qeverisjes tonë, mbështetjen e madhe që po merr partia nga qytetarët dhe angazhimin e palodhshëm të strukturave, PDK-ja do të dalë partia bindshëm me e votuara në zgjedhjet lokale të 22 tetorit në Komunën e Klinës. Fitorja pa balotazh është e sigurt”, tha Bashota.
Sipas tij, alternativa me e mirë për Klinën është PDK-ja e cila për dhjetë vite qeverisje ka bërë një ndryshim të madh duke investuar në shumë fusha të jetës për të lehtësuar jetën e qytetarëve. Ai përmendi disa nga projektet madhe që janë realizuar me parë dhe që po realizohen edhe tash siç janë Qendra Rinore, objektin për veteranët e UÇK-së, sheshi i cili është model në rajon, uji i pijshëm, shtëpia e kulturës, palestra sportive e projekte tjera të cilat kanë një kosto miliona euro. Dy projekte kapitale që po realizohen tash janë ajo e asfaltimit të rrugës nga fshati Ujmirë që lidhet me rrugën e Skenderajt dhe ajo Stup- Zajm që do të lidhet me autostradën Pejë Prishtinë. Planifikojmë edhe asfaltimin e rrugës unazore nga fshati Gremnikë që lidhet me rrugën e Skenderajt që dukshëm do ta lirojë qytetin e Klinës nga lëvizja e automjeteve”, tha Bashota i cili para anëtareve dhe simpatizantëve të vet premtoi se në mandatin katër vjeçar, nuk do të mbetet fshat pa ujësjellës dhe kanalizim.
“Klina ka fituar një donacion 350 mijë euro pjesa më e madhe të cilave do të orientohet për krijimin e një ambienti sa me të pastër dhe në mandatin 4 vjeçar Klina do të jetë qyteti me i pastër në Kosovë”, premtoi Bashota.
Ai apeloi për dalje masive në votime dhe të votohet nr 94, për ti sjellë zhvillim edhe me të madh Klinës.
