Përdoruesit e TikTok-ut të një moshe të caktuar po marrin një dozë të madhe nostalgjie me një filter të ri që synon të kthejë kohën tek adoleshenca.
Teenage Look, i cili kryesisht funksionon duke zbutur rrudhat, ka grumbulluar shumë shpejt 3.4 milionë shikime deri më sot, shpesh të kombinuara me melodinë nga kënga e vitit 1996 e The Verve Pipe "The Freshmen", shkruan CNN-i.
Derisa filtrat e fytyrës së foshnjës dhe të plakjes kanë bërë më parë xhiron në platformat e mediave sociale për risinë e thjeshtë të shikimit të vetes duke udhëtuar në kohë, në çast, shumë nga postimet më të pëlqyera në filtrat e adoleshencës janë të zymta, pasi përdoruesit thonë se po marrin një rikthim në disa nga vitet e tyre më formuese.
"Nëse jeni i ri dhe po pyesni veten pse ne të moshuarit po shqetësohemi për këtë filtër, kjo është sepse 20, 30 vjet nga tani në kokën tuaj ju do të mendoni ende se dukeni kështu”, ka thënë një përdorues i TikTok-ut.
Filtrat janë kritikuar vazhdimisht për përkeqësimin e çështjeve të vetëvlerësimit, dhe një filtër kundër plakjes në një shoqëri kundër plakjes, veçanërisht për gratë, duket se është i prirë për të përjetësuar këtë problem.
Një studim i vogël nga viti 2019 lidhi përdorimin e filtrit të mediave sociale me pranimin më të lartë të kirurgjisë estetike, ndërsa studiuesit nga “Harvard Business Review” zbuluan në vitin 2021 se njerëzit me besim të lartë në pamjen e tyre në fakt mund të tronditen më shumë duke parë "përmirësime" në fytyrën e tyre kundrejt atyre që tashmë kishte pasiguri.
