"Stranger Things 4" është bërë seriali më popullor në gjuhën angleze në Netflix pas premierës së dy episodeve të fundit, shkruan Bloomberg.
Gjiganti i transmetimeve zbuloi se filmi është parë 1.15 miliardë orë në 28 ditët e para të debutimit. Shtatë episodet e para kishin një shikueshmëri prej 930.32 milionë orë ndërsa episodet tetë dhe nëntë arritën 221 milionë orë shikueshmëri gjatë javës 27 qershor – 3 korrik.
Kështu bëhet seria e dytë pas "Squid Game" që ka kapërcyer 1.65 miliardë orë në 28 ditët e para. "Squid Game" aktualisht mban titullin si shfaqja më e shikuar në historinë e Netflixit.
"Stranger Things 4" ka potencialin për të tejkaluar serialin korean.
Por Netflixi nuk tregoi nëse popullariteti i serialit ka pasur ndikim në numrin e abonentëve. Më 2021, kompania postoi rritjen më të madhe të abonentëve, por në prill të këtij viti humbi 200 mijë abonentë.
