Një gjykatë ruse ka gjobitur kompaninë Google me tetë miliardë rubla apo 78 milionë dollarë të martën për mospërputhje me urdhrat e mëparshëm të dënimit, ka thënë shërbimi i shtypit i gjykatave të Moskës në Telegram, raportoi Reuters.
Rusia ka urdhëruar prej disa vitesh platformat e huaja të teknologjisë që të heqin përmbajtjen që ajo e konsideron të paligjshme, duke lëshuar gjoba të vogla por të vazhdueshme kur sheh dështime për t'u respektuar.
Gjoba e së martës shënoi një rritje të ndjeshme të gjobave prej rreth 4 milionë rubla që zakonisht vendosen.
Gjykata e Qarkut Chertanovo në Moskë tha se kjo gjobë është lëshuar për dështimin e Googlet për të respektuar një dënim administrativ, megjithatë nuk specifikoi se me cilën kundërvajtje administrative ka të bëjë gjoba.
Gjatë muajit dhjetor, presidenti rus Vladimir Putin, e ka akuzuar Googlen se është mjet i përdorur nga qeveria amerikane për të fituar pikë politike.
