Nëse tashmë kaloni orë të tëra duke shikuar videot në TikTok, pa pasur ndonjë përfitim, atëherë mund të keni gjetur punën tuaj të ëndrrave.
Agjencia e marketingut Influencer Ubiquitous po kërkon të paguajë tre persona 100 dollarë në orë për të kaluar në një seancë 10-orëshe shikimi në TikTok. Kompania shpreson se përpjekja do ta ndihmojë atë të vlerësojë tendencat në zhvillim në internet.
Për të aplikuar për punën e shikimit në TikTok, abonohuni në kanalin e Ubiquitous në YouTube dhe dërgoni një komunikim të shkurtër se pse jeni më i përshtatshmi për maratonën me orë të tëra.
Kompania po kërkon njerëz 18 vjeç e lart që dinë se si funksionon platforma.
“Kandidatët e zgjedhur do të na ndihmojnë gjithashtu të zbulojmë tendencat në zhvillim duke plotësuar një dokument të thjeshtë për të vënë në dukje tendencat e përsëritura që ata vërejnë”, thotë aplikacioni.
Pas seancës së shikimit, pjesëmarrësve do t'u kërkohet të postojnë përvojën e tyre në çdo platformë të mediave sociale që ata zgjedhin dhe të etiketojnë kompaninë.
Afati i fundit për aplikim është 31 maj. Kandidatët do të njoftohen shtatë ditë pas mbylljes së aplikimit.
