Brendi teknologjik “Dell” ka lansuar modelin e monitorit të ri që shndërrohet në ekran me prekje
Monitori i ri 24 Touch USB-C Hub i “Dellit” është një monitor i ri 23.8 inç 1080 p që mund të transformohet në mënyrë efektive në një ekran me prekje falë stendës artikuluese shkruan Theverge.
“Dell” përveç shtëpive dhe zyrave, po synon që monitorin ta shes për përdorim edhe në mjediset e shitjes me pakicë,. Kompania ka prodhuar monitorë me një formë-faktor të ngjashëm në të kaluarën, si P2418HT i cili është lansuar në vitin 2017.
Ashtu si “P2418HT” edhe dizajni i ri “P2424HT” nuk mund të mos u ngjajnë kompjuterëve “Surface Studio” të Microsoft, të cilët gjithashtu paraqesin ekrane me prekje dhe stenda artikuluese që i lejojnë ato të përdoren si tabletë grafikë.
Por me çmim vetëm 519.99 dollarë, monitori i ri i “Dell” është qartësisht në një rang tjetër nga “Surface Studio 2 Plus” e vitit të kaluar, çmimi i së cilës fillon nga 4,299 dollarë dhe ka një kompjuter të tërë të ndërtuar për të shkuar, së bashku me ekranin e tij 28 inç 4500 x 3000.
Detaj i ri për këtë monitor specifik “Dell” është një port “Ethernet”, për të cilin kompania pretendon se e bën atë monitorin e parë në botë me prekje 23.8 inç me lidhje ethernet.
Monitori i “Dellit” mbështetet në një laptop të jashtëm ose kompjuter desktop për të punuar dhe është i pajisur me një altoparlant mono 3W. (Përgatiti Vita Abrashi-Kajtazi)
