Nëpërmjet një videoja 5-minutëshe, miliarderi Elon Musk ka treguar se si synon ta kolonizojë planetin Mars. Kompania e tij hapësinore, SpaceX, publikoi videon e animuar ku tregohet se çka do të ndodhë kur të lansohet raketa kozmike drejt Marsit, e deri në zbarkimin final.
SpaceX njoftoi se ndër të tjera, astronautët në Mars do të kenë mundësi t'i krijojnë ilaçet speciale për të mbajtur shëndetin në nivel.
Musk kishte paralajmëruar tash e sa vjet se synon që Marsin ta bëjë plotësisht të jetueshëm. Ai pati thënë se nëse i jepet mundësia të vdiste në Tokë ose në Mars, do ta zgjidhte këtë planetin e fundit.
