Instagrami po përpiqet të përfitojë nga problemet e TikTokut, thonë ekspertët.
Ndryshimet në sistemin e tij për sugjerimin e përmbajtjes, veçanërisht në “Reels” - shërbimi i tij i videos me formë të shkurtër - do t'i japin përparësi përmbajtjes origjinale.
Ekspertët thonë se platforma në pronësi të Metas po përpiqet të kopjojë atë që ka nxitur suksesin e TikTokut - ndërsa ndalimi i tij i mundshëm në SHBA po afrohet.
Por disa në komunitetin e krijuesve thonë se ndryshimet mund të vijnë shumë vonë për përdoruesit që kanë humbur durimin me qasjen e Instagramit ndaj veçorisë “Reels”.
Në një postim, Instagrami tha se do të "korrigjonte" qasjen e tij të mëparshme për të rekomanduar përmbajtje, e cila favorizonte llogaritë me ndjekës më të mëdhenj dhe "grumbullues" të cilët ripostojnë shumë përmbajtje të krijuesve të tjerë.
Ndryshimet do të bëhen gjatë muajve të ardhshëm.
Algoritmi i TikTokut dhe përmbajtja që rekomandohet e ka bërë këtë platformë një mundësi të mirë për krijuesit e vegjël që të “shpërthejnë” me përmbajtjet e tyre, raportoi BBC.
Promovimi i videove, pavarësisht se kush i bën ato, është gjëja që e ka ndihmuar TikTokun të bëhet shumë i famshëm – dhe këtë po kërkon ta kopjojë Meta.
