Volejbollistët e Përfaqësueses së Kosovës të mërkurën do ta zhvillojnë ndeshjen e dytë kualifikuese për “Euro 2026”.
“Dardanët” në Nitra do të përballen me Sllovakinë. Volejbollistët të martën kanë udhëtuar drejt qytetit sllovak. Ndeshja Sllovaki – Kosovë zhvillohet nga ora 18:00.
Kosova e humbi 3:0 në sete ndeshjen e luajtur në Gjilan ndaj Letonisë, që ishte e para në kualifikime.
Ndeshja e javës së kaluar ndaj letonëve për Kosovën ishte debutim në kualifikimet e Evropianit.
Ndërkohë Sllovakia luajti me Letoninë dhe humbi 3:1 në sete, dy ditë më parë.
Drejt Rumanisë të martën kanë udhëtuar volejbollistet e Kosovës. Ato të enjten nga ora 18:00 e zhvillojnë ndeshjen e dytë kualifikuese për “Euro 2026”. Ndeshjen e parë volejbollistet e Kosovës e humbin 3:0 në sete nga Kroacia.
