Portierja e përfaqësueses së Kosovës në hendboll, Aurora Kryeziu, ka firmosur me klubin e njohur gjerman, Mainz. 20-vjeçarja deri më tani ishte te skuadra tjetër gjermane, TSG Bretzenheim, por Mainzi vlerësohet skuadër e nivelit më të lartë.
Të dy skuadrat janë në Bundesliga 2, por Mainzi për pjesën e epërme të tabelës, ndërsa Bretzenheimi në vendin e fundit.
Kryeziu e ka fituar titullin e Gjermanisë për të reja dhe vlerësohet me potencial shumë të madh.
Këtë edicion i ka bërë 125 pritje, përkatësisht ka mesatare prej 6,6 pritje për ndeshje.
Ajo është portierja e parë e Kosovës.
FHK-ja kishte punuar gjatë për ta afruar Kryeziun në përfaqësuese.
