Zymer Bytyqi hyri si zëvendësues në vend të sulmuesit Erdon Daci në minutën e 62-t. Bytyqi më pas asistoi në golin që e shënoi Sokol Çikalleshi.
Skuadra e Konyasporit barazoi në udhëtim te Bashakshehiri 1:1, në ndeshjen e zhvilluar të mërkurën gjatë ditë, e që i takoi xhiros së 28 në Superligën e Turqisë. Bytyqi asistoi për Çikalleshin në minutën e 79-t, dhe ishte goli i epërsisë për skuadrën vizitore. Por, pesë minuta para fundit, Demba Ba i barazoi shifrat dhe vulosi rezultatin final të takimit. Ishte asistimi i tretë i Bytyqit në shtatë ndeshje të elitës së futbollit të Turqisë. Ndërkohë, për sulmuesin e Shqipërisë, Çikalleshin, ishte goli i katërt në 21 takime sa i ka zhvilluar ai. Konyaspori është në mesin e tabelës me 32 pikë të grumbulluara.
