-
Nga:
Faton Polisi
- 1 shkurt 2024 21:40
- Shpërndaje në:
Arritjet e xhudistëve të Kosovës në garat ndërkombëtare janë bindshëm larg arritjeve të sportistëve të sporteve të tjera individuale. Sukseset në Lojërat Olimpike, Botërorë, Evropianë dhe gara tjera të mëdha ndërkombëtare, kanë bërë që xhudoja të ketë numrin më të madh të sportistëve në listën që do të përfitojnë financiarisht nga Rregullorja për Kategorizimin e Sportistëve dhe Trajnerëve.
Ministria e Kulturës, Rinisë dhe Sportit (MKRS) të enjten e ka publikuar renditjen preliminare, ndërsa të kategorizuar janë plot 13 xhudistë.
Kategorizimi në sport tashmë është kompetencë e plotë e MKRS-së, ndërsa më herët është bërë nga Komiteti Olimpik i Kosovës (KOK).
Listës i prijnë dy fitueset e medaljeve të arta olimpike, Nora Gjakova dhe Distria Krasniqi. Dy të artat në Lojërat Olimpike “Tokio 2020” kanë fituar pikët maksimale – nga 100.
Pas tyre është Akil Gjakova me 60 pikë. Akili fitoi të artën në Kampionatin e Hapur Evropian në Prishtinë. Pastaj vjen Laura Fazliu me 50 pikë. Loriana Kuka i ka 40 pikë, ndërsa Flaka Loxha, Erza Muminoviq e Fatjona Kasapi i kanë nga 30 pikë. Shpati Zekaj kategorizohet me 20 pikë, kurse nga dhjetë pikë kanë fituar Dëbora Gjakova e Anes Veseli. Blin Kuka ka 6.25 pikë, derisa listën e mbyll Laurita Gashi me 3.75 pikë.
Trajneri i Kosovës në xhudo, Driton Kuka, ka fituar 243.125 pikë në kategorizim. Pas kryemjeshtrit Kuka nga sporti i xhudos me 1.875 pikë është Dukagjin Gashi.
Nga sporti i boksit me 60 pikë e para është Donjeta Sadiku, kurse trajnerja e saj, Marjola Sallauka ka 30 pikë.
Bashkim Bajoku ka 30 pikë, kurse vëllai i tij Shpetimi 20 pikë. Taulant Jakupi dhe Drilon Thaqi kanë nga 18.75 pikë në kategorizim. Trajneri i boksit Besim Brahimi ka 25 pikë, kurse nga 9.375 pikë kanë dy trajnerët e tjerë të boksit, Lekë Ramoja dhe Votim Zaplluzhani.
Kategorizimi ka vlerë të madhe, pasi në bazë të tij ndahet buxheti i shtetit për federatat sportive e po ashtu përcaktohet përkrahja për trajnerët dhe sportistët. Sa më lart në renditje, të hyrat janë më të mëdha.
Kategorizimi bëhet në bazë të dokumentacionit që dorëzojnë federatat sportive.
Sipas Rregullores për Kategorizimin e Sportistëve dhe Trajnerëve, kohëzgjatja e përfitimit të të drejtave nga kjo kategori është tre vjet për sportet individuale dhe katër vjet për sportet kolektive.
Lista e sportistëve
Xhudo
Nora Gjakova – 100 pikë
Distria Krasniqi – 100 pikë
Akil Gjakova – 60 pikë
Laura Fazliu – 50 pikë
Loriana Kuka – 40 pikë
Flaka Loxha – 30 pikë
Erza Muminoviq – 30 pikë
Fatjona Kasapi – 30 pikë
Shpati Zekaj – 20 pikë
Debora – Gjakova – 10 pikë
Anes Veseli – 10 pikë
Blin Kuka – 6.25 pikë
Laurita Gashi – 3.75 pikë
Boks
Donjeta Sadiku – 60 pikë
Bashkim Bajoku – 30 pikë
Shpetim Bajoku – 20 pikë
Taulant Jakupi – 18.75 pikë
Drilon Thaqi – 18.75 pikë
Mundje
Egzon Shala – 50 pikë
Lonisa Reka – 15 pikë
Egzon Xhoni – 5 pikë
Bodybuilding
Kushtrim Bajraktari – 35 pikë
Rilind Musa – 35 pikë
Betim Krasniqi – 3 pikë
Granit Kuleta – 20 pikë
Flamur Rexhaj – 20 pikë
Atletikë
Muhamet Ramadani – 30 pikë
Gresa Bakraçi – 5 pikë
Taekwondo
Bleron Ademi – 20 pikë
Denis Bllaca – 10 pikë
Arnis Agushi – 10 pikë
Jon Gashi – 6.25 pikë
Rona Gashi – 5 pikë
Boulling
Albin Osmani – 20 pikë
Kaula Haziri – 5 pikë
Kikboks
Rron Kasumi – 8.75 pikë
Arbër Salihu – 5 pikë
Doneta Menxhiqi – 5 pikë
Shkurta Ismajli – 4.375 pikë
Aeronautikë
Veton Sylaj – 5 pikë
Kosovare Leskovci – 5 pikë
Çiklizëm
Sibora Kadriu – 5 pikë
Blerton Nuha – 5 pikë
Motoçiklizëm
Arbenit Beqiraj – 5 pikë
Muay-thai
Erona Shabani – 5 pikë
Lindon Demiri – 5 pikë
Pingpong
Kreshnik Mahmuti – 5 pikë
Shega Hashani – 5 pikë
Skitari
Drin Kokaj – 5 pikë
Lirika Deva – 5 pikë
Triathlon
Albina Bojaxhiu – 5 pikë
Albion Ymeri – 5 pikë
Lista e trajnerëve
Xhudo
Driton Kuka – 243.125 pikë
Dukagjin Gashini – 1.875 pikë
Boks
Marjola Sallauka – 30 pikë
Besim Brahimi – 25 pikë
Lekë Ramoja – 9.375 pikë
Votim Zaplluzhani – 9.375 pikë
Bodybuilding
Esat Lata – 37.5 pikë
Sabri Dragusha – 17.5 pikë
Kushtrim Bajraktaraj – 17.5 pikë
Mundje
Sylejman Shala – 25 pikë
Ferat Ramadani – 7.5 pikë
Ziber Xhoni – 5 pikë
Taekwondo
Blerim Ademi – 17.5 pikë
Arnis Agushi – 8.125 pikë
Flamur Visoka – 5 pikë
Atletikë
Shaban Ramadani – 15 pikë
Adnan Demalijaj – 5 pikë
Boulling
Nysret Haziri – 15 pikë
Çiklizëm
Besart Nuhaj – 10 pikë
Triathlon
Besnik Jashanica – 10 pikë
Kikboks
Ilir Menxhiqi – 9.375 pikë
Nesret Salihu – 7.187 pikë
Aeronautikë
Naim Ukaj – 5 pikë
Fadil Gërguri – 5 pikë
Motoçiklizëm
Agron Kelmendi – 5 pikë
Muay-thai
Viola Kuraliu Hoti – 5 pikë
Korab Sinani – 5 pikë
Pingpong
Besim Hajdari – 5 pikë
Ridvan Hashani – 5 pikë
Skitari
Agim Pupovci – 5 pikë
Kushtrim Deva – 5 pikë
