Ndeshja e Kupës së Mbretit ndërmjet Parla Escuelas dhe Valencias është shtyrë pas përmbytjeve në Spanjë.
Kushtet e rënduara atmosferike dhe shiu i madh që ka rënë në qytetin Chiva për tetë orë rresht, kanë bërë që 62 njerëz ta humbin jetën.
Ndeshja e Valencias kundër skuadrës së kategorisë së gjashtë të futbollit spanjoll duhej të zhvillohej të mërkurën në Parla, afro 25 kilometra larg kryeqytetit spanjoll Madridit.
Ballafaqimi tani pritet të zhvillohet më 6 nëntor, në të njëjtin vend.
Janë shtyrë edhe ndeshjet Pontevedra – Levante dhe Xerez – Ceuta.
Në fundjavë në La Liga, Valencia duhet të jetë nikoqire e Real Madridit në stadiumin “Mestalla”.
