Trajneri Xhengis Rexhepi ka njoftuar se është larguar nga Feronikeli 74, me kërkesë të kryetarit të klubit.
Në një shkrim në Facebook, Rexhepi ka thënë se kërkesën e ka pranuar pa hamendje.
“Për mua, më e rëndësishme është se klubi pas përfundimit të gjysmësezonit vjeshtor, është në mesin e tabelës dhe shumë më afër skuadrave që garojnë për dalje në Evropë, se sa ato që janë në luftë për ekzistencë! Ekipit të Feronikeli 74' i dëshiroj shumë suksese në vazhdim të kampionatit”, ka shkruar ai.
Pas 18 xhirosh këtë edicion, Feronikeli është i shtati me 21 pikë të tubuara.
