Mesfushori i skuadrës së Prishtinës, Mërgim Pefqeli, e ka vazhduar kontratën me skuadrën “Bardhekaltër”.
Njëri ndër mesfushorët më të mirë të skuadrës për edicionin që e lamë pas, do të jetë me ekipin nga kryeqyteti edhe për një vit tjetër.
Ndërkohë, nga Prishtina pritet të largohen edhe tre futbollistë.
I pari është sulmuesi i krahut, Gentrit Begolli, i cili lajmin e ka bërë publik në rrjetin social “Facebook”, derisa nga klubi pritet të largohen edhe sulmuesi tjetër, Shend Kelmendi, dhe mesfushori Endrit Krasniqi.
