Gjilani dhe Prishtina janë duke barazuar pa gola në ndeshjen e 1/8 së finales së Kupës së Kosovës.
Takimi që po zhvillohet në terrenin me bar sintetik e shënon edhe fillimin e pjesës së dytë të futbollit kosovar pas pushimit të gjatë.
Prishtina është duke luajtur me një lojtar më pak në fushë prej minutës së 18-të.
Kushtrim Gashi e ndërpreu një kundërsulm të gjilanasve në gjysmën e fushës, dhe u përjashtua nga loja direkt me të kuq nga gjyqtari Visar Kastrati.
Në minutën e 29-të, Prishtinës iu anulua një gol për pozitë jashtë loje.
Edhe Gjilani pati rastet e veta por nuk i shfrytëzoi.
Këto dy skuadra kishin luajtur vjet në finale të Kupës së Kosovës.
Prishtina kishte triumfuar 2:0.
Sot po zhvillohen edhe tri ndeshje të kësaj faze të garës.
Suhareka – Prishtina e Re, Feronikeli 74 – Malisheva dhe Vjosa – 2 Korriku. Suhareka, Malisheva dhe Vjosa janë duke fituar 1:0.
