Nottingham Foresti synon huazimin e sulmuesit të Shqipërisë, Armando Broja, ka raportuar sajti i afërt me klubin anglez “nottinhamforestNews”. Chelsea nuk dëshiron shitjen e Brojës, ndërsa sulmuesi shqiptar po kërkohet me ngulm edhe nga klubet e tjera të Premier Leagues.
Në garë për ta mbajtur në skuadër është edhe Southamptoni, skuadër ku ishte i huazuar në sezonin 2021/2022.
Ai e mbylli me nëntë gola dhe një asistim në 38 ndeshje në të gjitha garat. Interesim për Brojën në Angli ka edhe West Ham Unitedi. Sulmuesi 20-vjeçar me Chelsean ka kontratë deri në qershor të vitit 2026.
