Newcastle United e ka transferuar portierin që përfaqëson Anglinë, Nick Pope, nga skuadra e rënë nga elita e futbollit anglez, Burnley.
Ky transferim u zyrtarizua të enjten mbrëma, ndërsa “BBC-ja” shkruan se shifra e këtij transferimi nuk është bërë e ditur.
30-vjeçari kalon te Newcastle me kontratë katërvjeçare, ndërsa për gjashtë edicione ishte pjesë e skuadrës nga “Turf Moor”.
Pope iu bashkua Burnleyt në vitin 2016-të kur skuadra u inkuadrua në Premier League dhe u paraqit në 155 ndeshje.
Sezonin e kaluar luajti në 36 ndeshje.
Newcastle e hap kampanjën e re të Premier Leagues kundër Nottingham Forestit më 6 gusht.
