David Moyes është në bisedime me Evertonin për një kthim të mundshëm në “Goodison Park”, pas shkarkimit të Sean Dychet.
Marrëveshja ende nuk është zyrtare dhe Moyes nuk është i vetmi kandidat.
Por, “BBC” ka mësuar se skocezi e kryeson listën për këtë detyrë.
Negociatat për kontratën me të pritet të nisin të premten.
Ish-trajneri i Burnleyt, Dyche, u shkarkua të enjten.
Evertoni në Premier League është i 16-ti, me vetëm një pikë më shumë se zona që dërgon një kategori më poshtë në futbollin anglez.
Evertoni ka fituar vetëm tri nga 19 ndeshje të ligës në edicionin aktual.
Moyes e drejtoi Evertonin nga viti 2002 deri në vitin 2013.
Ai po ashtu e udhëhoqi West Ham Unitedin në triumfin e Ligës së Konferencës në vitin 2023, por është pa punë qëkur u largua në fund të atij edicioni.
