Mbrojtësi spanjoll Alberto Moreno është afër largimit nga Liverpooli, raportojnë mediat angleze.
Moreno pritet të ribashkohet me ish-klubin e tij Sevilla në formë huazimi. Klubi spanjoll dëshiron me çdo kusht shërbimet e mbrojtësit të majtë, i cili dështoi të tregojë formën e tij më të mirë në Anfield.
Sezonin e kaluar Moreno bëri vetëm 10 paraqitje për Jurgen Kloppin, që preferoi veteranin James Milner në pozitën e mbrojtësit të majtë.
Pozita e spanjollit 25-vjeçar vështirësohet edhe më shumë pas transferimit të Andrew Robertson nga Hull City.
