Tri ndeshje para fundit të sezonit, Manchester City është konfirmuar si kampion i Premier Leagues. Është hera e tretë që ekipi i Pep Guardiolas e fiton rresht titullin e kampionit në ligën më të fortë të futbollit në botë.
Titullin e pestë të kampionit për trajnerin Pep Guardiola në gjashtë sezone e mundësoi humbja e Arsenalit nga Nottingham Foresti të shtunën. “Topçinjtë” pësuan 1:0 me golin e vetëm të realizuar nga Taiwo Awoniyi.
Teksa Arsenalit i ka ngelur edhe një ndeshje në dispozicion këtë sezon, ekipi i Mikel Artetas e ka të pamundur matematikisht ta arrijë me pikë Manchester Cityn.
City me 35 ndeshje të zhvilluara ka 85 pikë të tubuara. Arsenali me 37 ndeshje ka 81 pikë
Ndeshjen e ardhshme, City e luan të dielën në Etihad ndaj Chelseat.
