Skenderaj bëri kthim të madh në ndeshjen e tretë të serisë finale të plejofit në Superligën e Kosovës në volejboll.
Të dielën mbrëma në Gjilan, Skenderaj fitoi 3:2 në sete ndaj Dritës.
Ndeshja u zhvillua para një numri të madh shikuesish.
Volejbollistet gjilanase i fituan dy setet e para. Por më pas Skenderaj barazoi në 2:2, kurse setin e pestë dhe vendimtar e fitoi 15:10.
Tani rezultati është 2:1 në të mirë të Dritës. Ndeshja e katërt zhvillohet në mesjavën e ardhshme në Skënderaj.
Skuadra që i shënon tri fitore shpallet kampione.
Tri ndeshjet e deritashme ishin dramatike dhe kështu pritet të jetë edhe ndeshja e radhës.
