Skuadra e Juventusit ka shprehur interesim për mesfushorin defensiv të Nottingham Forestit, belgun Orel Mangala shkruan “Sky Sports” të premten.
Mësohet se Juventusi po synon transferimin e tij në afatin kalimtar të këtij muaji, pasi 25-vjeçari ka dhënë dritën e gjelbër për t’u zhvendosur në Itali.
Mangala ka 18 paraqitje në Premier League dhe një gol të shënuar, ndërsa Nottinghamit iu bashkua në verën e vitit 2022 nga Stuttgarti.
Ai ka kontratë me ekipin anglez deri në vitin 2026, ndërsa kartoni i tij vlerësohet rreth 25 milionë euro. Mangala ka edhe 12 paraqitje me Belgjikën, ndërsa karrierë ka bërë edhe te Hamburgu e Stuttgarti në Gjermani.
