Interi ka shënuar fitore të lehtë në udhëtim te Viktoria Plzeni i Çekisë.
Italianët e drejtuar nga trajneri Simone Inzaghi fituan 2:0 të martën mbrëma në ndeshjen e dytë të fazës grupore në Ligën e Kampionëve.
Ishte fitorja e dytë rresht e Interit si mysafir në Ligën e Kampionëve dhe kjo gjë i ndodhi për herën e parë që prej tetorit të vitit 2011.
Edin Xheko shkëlqeu duke realizuar gol e asistim. Golin e shënoi pas 20 minutash lojë, ndërsa asistimin e regjistroi 20-të minuta para fundit të takimit.
Vendësit nga minuta e 61-të luajtën me një lojtar më pak në fushë, pasi direkt me të kuq u ndëshkua mesfushori Pavel Bucha.
Kristjan Asllani debutoi me fanellën “ziekaltër” në Ligën e Kampionëve.
Asllani luajti nga minuta e 84-t.
Në Grupin C, Interi renditet në vendin e tretë më tri pikë nga dy ndeshje.
Plzeni është i fundit pa pikë.
