Dortmundi e ka fituar klasiken gjermane ndaj Bayern Munichut dhe i ka larguar bavarezët edhe më shumë nga titulli në Bundesligë.
Dortmundi të shtunën fitoi në udhëtim ndaj Bayern Munichut me rezultatin 2:0.
Me këtë disfatë, Bayern Munichu ka mbetur larg Bayer Leverkusenit me 13 pikë.
Karim Adeyemi në minutën e 10-të të ndeshjes së xhiros së 27-të, i dha epërsinë “verdhezinjve” fillimisht.
Julian Ryerson ndërkohë e shënoi golin e fitores së madhe të Dortmundit, shtatë minuta para fundit.
Sulmuesit të Bayern Munichut dhe kapitenit të Anglisë, Harry Kane, iu anulua një gol në minutën e 89-të.
Me këtë fitore, Dortmundi mbetet ende në garë për top-katërshe dhe ka 53 pikë pas 27 ndeshjeve të luajtura.
Bayern Munichu i dyti ka 60 pikë, ndërsa lider është Bayer Leverkuseni me 73 pikë.
