Derbi i xhiros së dhjetë në Superligën e Kosovës në futboll ndërmjet Gjilanit dhe Feronikelit nuk ka dhënë fitues.
Për 90 minuta asnjëra prej skuadrave nuk arriti të gjejë rrugën e golit.
E një skenar krejtësisht tjetër ishte në sfidën Ballkanit – Besa.
Lideri i Superligës, Ballkani, ka vazhduar formën fenomenale duke shënuar sot fitore prej 4 me 1.
E formën e lartë e ka vazhduar edhe sulmuesi Mirlind Daku, i cili në këtë takim shënoi dy gola, për ta çuar në 17 numrin e golave të shënuar këtë edicion. Kurse nga një gol realizuan Meriton Korenica dhe Egzon Sinani.
Golin e vetëm për Besën e shënoi Sheqerolli.
Kurse Trepça ’89 shënoi fitore në udhëtim ndaj Arbërisë me rezultat prej 2 me 1.
Zabërgja i dha epërsinë Arbërisë në minutën e 22, megjithatë në pjesën e dytë mysafirët përmbysën gjithçka.
Sie e Nimani shënuan për t’ia dhënë pikët e plota klubit mitrovicas.
Renditja aktuale është kjo:
