Dy gola nga penalltia i ka shënuar sulmuesi i Shqipërisë, Sokol Çikalleshi, të shtunën mbrëma në Superligën e Turqisë.
Çikalleshi ishte i saktë në minutën e nëntë për 1:0 dhe në minutën e 45-të për 2:1, nga 11-të metërshi.
Megjithatë, Konyaspori në fund barazoi 2:2 me Adana Demirsporin, në kuadër të xhiros së 29-të.
Për mysafirët shënuan Yusuf Erdogan në minutën e 32-të dhe Mario Balotelli në minutën e 87-të.
Sulmuesi 33-vjeçar i Shqipërisë ka 11-të gola e pesë asistime në 26 paraqitje në të gjitha garat në edicionin aktual.
Ai luajti deri në minutën e 63-të, kurse Valon Ethemi deri në minutën e 74-t.
Konyaspori ka 32 pikë dhe po lufton për të mbetur në elitë, ndërsa Adana Demirspori ka 36 pikë.
