Përzgjedhësi i Shqipërisë, Eduardo Reja ka zbuluar formacionin startues për ndeshjen ndaj Islandës, që luhet prej orës 20:45.
Reja, sipas mediave tiranase, ka vendosur për sistemin 3-5-2.
Në krye të sulmit do të jenë Sokol Çikalleshi dhe futbollisti i Tiranës, Taulant Seferi. Mesfusha do të përbëhet nga Amir Abrashi, Endri Çekiçi dhe Klaus Gjasula. Në krah luajnë Ivan Balliu dhe Elseid Hysaj. Ardian Ismajli, Marash Kumbulla e Berat Gjimshiti janë treshja e mbrojtjes. Në portë është Etrit Berisha.
Është kjo ndeshja e parë e Shqipërisë në edicionin e tretë të Ligës së Kombeve. Shqipëria luan në Ligën B.
