Balotelli vazhdon të jetë problematik edhe në Turqi

Mario Balotelli luajti në të tria ndeshjet e para në aventurën e re në Turqi, por ende nuk ka shënuar gol.

Me skuadrën e Adana Demirsporit e ka vetëm një asistim kundër Kayserisporit në barazimin 1:1. Por, të premten mbrëma në duelin kundër Konyasporit që përfundoi po ashtu 1:1, Balotelli është kthyer në kohë, me probleme.

Trajneri Samet Aybaba e zëvendësoi Balotellin në minutën e 56-të. Ky veprim i tij nuk i pëlqeu italianit, që bëri shumë gjeste në bankën rezervë duke e shprehur haptazi pakënaqësinë. Nga stoli, “Super Mario” bërtiste dhe madje e goditi edhe bashkëlojtarin që e kishte afër.

Në barazimin 1:1 te Adana Demirspori për 90 minuta luajti portieri i Kosovës Arijanet Muriq. Te Konyaspori titullar ishin reprezentuesi i Kosovës, Zymer Bytyqi, që u zëvendësua në minutën e 79-të.

Dy reprezentues të Shqipërisë ishin titullar te Konyaspori. Sokol Çikalleshi e kompletoi ndeshjen kurse Endri Çekiçi u zëvendësua në minutën e 79-të nga Erdon Daci. Adana Demirspor është në pozitën e 12-të me dy pikë, kurse Konyaspori lider ka shtatë pikë pas tri ndeshjeve.

Balotelli karrierë ka bërë me skuadra si Interi, Manchester City, Milani, Liverpooli, Nice, Marseille, Brescia dhe Monza.