Ballkani ka fituar derbin e sotëm ndaj Feronikelit në një ndeshje spektakolare në Therandë, ku u shënuan pesë gola.
Në një formë të jashtëzakonshme te Ballkani ishte sulmuesi Mirlind Daku, i cili shënoi që të tri golat për vendasit.
Kurse për Feronikelin dy gola i shënoi Marclei, derisa një penalti e ka humbur Dabiqaj.
Në ndeshjen tjetër Gjilani e mposhti në udhëtim Llapin me rezultat prej 1 me 0.
Ishte Nikaq ai që shënoi golin e fitores në minutën e 62, derisa dhjetë minuta më parë nga penaltia ishte i pasaktë Fiton Hajdari.
Pas dy xhirove në Superligën e Kosovës në futboll Ballkani është lider me gjashtë pikë, kurse Feronikeli në vendin e katërt ka tre pikë, e me po aq pikë është edhe Gjilani në vendin e gjashtë.
Për Llapin kjo ishte ndeshja e parë dhe është papikë.
