Kosova ka vazhduar formën e mrekullueshme. Ka arritur të marrë tri pikë të plota midis Bullgarisë duke fituar 2 me 3.
Një gol i fundit i Elbasan Rashanit në sekondat e fundit të ndeshjes i dha tri pikët “Dardanëve”. I pari shënoi Rashica, ndërsa Bullgaria arriti të përmbyste gjithçka duke barazuar në pjesën e parë e duke kaluar në epërsi në të dytën, 2 me 1. Por Vedat Muriqi arriti të shënonte për 2 me 2 e Rashani me një gol në sekondat e fundit i dha fitoren Kosovës.
92’ – GOL. Kosova në epërsi.
90’ – Katër minuta shtesë.
85’ – Dominim i plotë i Kosovës. Rrezikojnë Muriqi, Rashani e Kololli, por asnjë rast nuk konkretizohet.
83’ – Halimi harkon nga rivënia këndore, por Muriqi nuk arrin të gjuajë me kokë. Tjetër rivënie nga këndi. Sërish të pafat "Dardanët".
80’ – Kololli gjuan në mënyrë të përsosur me kokë pas harkimit të Halimit, por topi u ndal nga portieri Mihaylov.
79' – Gjuajtje e lirë për Kosovën afër zonës së rreptësisë. U faulua Kololli.
76’ – Elbasan Rashani inkuadrohet te Kosova. Largohet Edon Zhegrova.
68’ – Muriqit i anulohet një gol. Për pak milimetra ishte në pozitë jashtë loje.
64’ – GOL. Barazon Kosova. Realizon gol me kokë Vedat Muriqi. Asistues Benjamin Kololli. 2 me 2.
62’ – Debuton te Kosova Florent Hadërgjonaj. Zëvendëson Mërgim Vojvodën.
Anel Rashkaj zëvendëson Idriz Vocën.
61’ – Kosova rrezikon përmes rivënieve nga këndi. Vedat Muriqi nuk gjuan saktë pas harkimit nga Zhegrova.
59’ – Kosova merr iniciativën në kërkim të barazimit.
55’ – Gol. Bullgaria në epërsi. Zëvendësuesi Dimitrov shënon me kokë pas një harkimi nga rivënia këndore.
54’ – Bullgaria rrezikon “Dardanët” duke depërtuar përmes sulmuesve anësorë, të cilët nuk po arrijnë të gjejnë bashkëlojtarë për të konkretizuar rastet.
47’ – Rast shumë i mirë për Kosovën. Kololli nuk arrin të mposhtë portierin vendas me një gjuajtje nga afërsia.
46’ – Dimitrov zëvendëson Bozhikovin. Te Kosova akoma s’ka ndryshime.
Ka nisur në “Vasil Levski” të Sofjes pjesa e dytë mes Bullgarisë e Kosovës, ndeshje vlefshme për kualifikimet për “Euro 2020”.
Rezultati pas 45 minutave të parë ishte 1 me 1.
Përfundon pjesa e parë
Mbyllet pjesa e parë me rezultat 1 me 1.
Kosova dominoi nga fillimi duke kaluar në epërsi në minutën e 14-të përmes Rashicës.
Bullgaria arriti të barazonte në minutën e 43-të përmes Popovit.
43’ – Barazon Bullgaria. Popov shënon me një gjuajtje të fuqishme nga distanca.
’36 – Gjuajtje e mrekullueshme nga Bersant Celina nga distanca, por topi u ndal nga portieri bullgar.
’30 – Kalon gjysmë ore lojë. Kosova mban epërsinë dhe vazhdon dominimin në fushë.
’27 – Një top i kthyer prapa rezulton në korner për Bullgarinë. I katërti për vendasit. Rezultati mbetet 0 me 1 pasi Bullgaria nuk arrin të shfrytëzojë rastin.
’22 – Kosova po dominon duke rrezikuar sërish bullgarët. Kosova po dominon me posedim të topit dhe raste të krijuara.
Rashica pas golit festoi me fanellën e Arbër Zenelit, që u lëndua të premten ndaj Malit të Zi.
14’ – GOL. Realizon Milot Rashica. Ai realizoi një gol të bukur pas një topi të kthyer nga mbrojtja vendase brenda zonës së rreptësisë.
Rashica's goal against Bulgaria. You beauty.
— Kosovan Football ?? (@kosovanfooty) June 10, 2019
??0:1??#BULKOS pic.twitter.com/8EtsIprBNI
11’ – Kosova merr dominimin në fushë.
10’ – Rivënie nga këndi për Kosovën. Zhegrova gjuan por bllokohet gjuajtja e tij.
9’ – Vjen kërcënimi i parë nga Bullgaria. Një gjuajtje të fuqishme arrin ta presë Muriq. Nga rivënia këndore, Bullgaria nuk arrin të rrezikojë.
Dëgjohen fyerje ndaj shqiptarëve.
3’ - Rivënie këndore për Bullgarinë. Pret topin Muriq.
2’ - Kosova provon të rrezikojë përmes një gjuajtje të lirë nga distanca, por topi largohet nga mbrojtja vendëse.
Ka nisur në Sofje ndeshja mes Bullgarisë dhe Kosovës, e vlefshme për kualifikimet për Euro 2020.
