Të rinjtë e Mogillës që vullnetarisht e pastrojnë fshatin

Çdo të diel të rinjtë e fshatit Mogillë zhvillojnë aksione për pastrimin e fshatit.

Në baza vullnetare ata gjenden nëpër të gjitha lagjet e këtij fshati të Vitisë.

Shpesh ishin përgëzuar për punën, derisa nuk kishte munguar edhe bashkëngjitja e banorëve të tjerë.

“Kemi ardhur te njëra prej lagjeve që e kemi përfshi gjatë aksionit. Duhet përmendur që Komuna ka ndihmuar vetëm në qeset e mbeturinave, ndërkaq i gjithë organizimi ka qenë në baza vullnetare”, tregon njëri nga qytetarët.

Fshati Mogillë shtrihet në një pozitë të përshtatshme gjeografike edhe për kultivimin e të mirave bujqësore.

Megjithëse ka numër të konsiderueshëm banorësh, edhe në këtë fshat vërehet dukuria e migrimit, thonë vendësit.

Në aksionin e fundit, të rinjve u ishin bashkëngjitur shumë banorë.

Mes tyre kishin qenë edhe të vegjlit e fshatit, të cilët nga banorët ishin përfshirë në këtë organizim siç shprehen, për t’i rritur me idenë e mbajtjes pastër të komunitetit ku jetojnë.