Shkolla fillore nga Kishnica triumfon në turneun e vajzave në futboll

Se futbolli është sport ku edhe vajzat tregohen të suksesshme u dëshmua sot në stadiumin e skuadrës së “Ramiz Sadikut” në Prishtinë.

Turneu i organizuar nga Federata e Futbollit të Kosovës përfshiu vajzat e shkollave fillore, të cilat ishin zgjedhur për fazën finale në mesin e më shumë se 20 shkollave.

“Nexhmi Mustafa”, “7 Marsi” e “Ditët e Minatorit”, ishin tri shkollat finaliste të këtij turneu.

Një aktivitet i tillë, sipas Federatës së Futbollit të Kosovës, ka rëndësi të madhe në veçanti për masivizimin e futbollit te femrat.

Në garën mes tri shkollave fituese doli shkolla e Kishnicës, “Ditët e Minatorit”. Në finale shkolla nga Kishnica triumfoi ndaj “7 Marsit” pas gjuajtjes së penalltive.

{gallery}