Pikturat e 20-vjeçares që po bëjnë bujë në rrjete sociale

Talenti për pikturë i ishte shfaqur që në vegjëli Leunora Musliut nga Vitia. Këtë e kishin vërejtur fillimisht arsimtarët e saj gjatë shkollës fillore, të cilët e mbështetnin vazhdimisht. Tani është vetëm 20 vjeç, por pikturat e saj po i mahnitin tashmë edhe shumë qytetarë në vend.

Musliu ka treguar se si nisi vizatimet e pikturat.

Gjyshja në mendime, autoportreti, imazhi i një personi të moshuar që përmbledh ndjenjat dhe përjetimet e tij janë vetëm disa nga shumë pikturat të cilat i ka realizuar deri tash ajo.

Piktura, sipas saj, kërkon shumë mund dhe përkushtim në mënyrë që gjithçka në fund të del e perfeksionuar.

E për t’u realizuar një pikturë sa më mirë duhet që materiali ngjyrat dhe të tjerat të jenë kualitative.

Së fundmi ka filluar që pikturat e saj t’i postojë në rrjete sociale, në Facebook dhe Instagram.

Çmimet e pikturave, sipas saj, dallojnë nga madhësia dhe dëshira e klientit se çfarë dëshiron të paraqesë. Thotë se në portrete mundohet që sa më shumë t’iu mësojë vizat e fytyrës personave të destinuar që gjithçka të duket reale.

Ajo po ndjek studimet e vitit të dytë në Fakultetin e Artit në Prishtinë. Por shpreson që studimet master t’i vazhdojë jashtë shtetit pas disa viteve dhe të mësojë teknika të reja vazhdimisht.