Ardit Sheholli, kaligrafisti i hapësirave të Prishtinës

Me kaligrafinë nisi vetëm 5 vjet më parë.

Është ky Ardit Sheholli, i cili përmes artit të bukurshkrimit u jep ngjyra e jetë hapësirave të kryeqytetit.

Për Shehollin, veçantia e artit të kaligrafisë qëndron te qetësia e brendshme që ai merr prej saj, duke e kthyer punën në terapi meditimi.

Eksperimentimi me stile të ndryshme të kaligrafisë i jep atij mundësinë që të perfeksionohet në punën që bën.

Llojshmërinë e stileve që e karakterizojnë kaligrafinë e ka shfrytëzuar për kombinime në stile.

Qëllimi kryesor i tij përmes thurjes së shkronjave në hapësira publike thotë se është inspirimi i të tjerëve për shkak të thellësisë artistike që kaligrafia e ruan në vete.

Njëra prej hapësirave që artisti Sheholli e ka kthyer në mural kaligrafie është edhe kjo trafo elektrike.

Mesazhi i thjeshtë në të, Sheholli thotë se nuk duhet të shihet vetëm si një grumbull shkronjash .

E kombinimi i stileve, të cilat ai i ka mësuar e perfeksionuar ndër vite, i kanë ndihmuar shumë në krijimin e këtij murali, që për të paraqet diversitetin e Prishtinës.

Projekte të tjera si ky qytetarët mund t’i shohin shumë shpejt edhe në pjesë të tjera të qytetit thotë Sheholli, i cili është duke punuar në finalizimin e detajeve.