Muzikantë anembanë globit po e festojnë fitoren madhështore të Argjentinës kundër Francës, në finale e kampionatit botëror që u mbajt në Katar.
Artistë të njohur të tillë si, Ricky Martin, Kid Cudi, Maluma, Daddy Uankee, Niall Horan dhe të tjerë, i shfrytëzuan rrjetet sociale për ta shprehur entuziazmin rreth lojës finale dhe gëzimin e triumfit të Argjentinës në lojën me penallti.
“Zot, kjo ishte një çmenduri. Urime Argjentina”, dëgjohet duke thënë ylli latin, Ricky Martin, në një video të postuar në Instagram.
“Çfarë loje e mahnitshme e futbollit. Urime argjentina”, shkroi ish-anëtari i grupit “One Direction”, Niall Horan.
Yjet tjerë të muzikës e nderuan futbollistin ikonik, Lionel Messi, për fitoren e parë të Kupës së Botës. Gjatë natës finale, futbollisti legjendar i shënoi dy gola, përfshirë njërën në minutën e 108-të të lojës.
Edhe reperi amerikan, Kid Cudi, e shprehi entuziazmin e tij për këtë sport, pas shikimit të lojës dramatike.
“Kurrë më parë nuk kam shikuar lojë futbolli por qenka vërtetë fantastike. I lumtur për Argjentinën”, deklaroi ai.
Finalja e së dielës ishte një prej ndeshjeve më dramatike në historinë e Kampionatit Botëror. Pas përfundimit të lojës me kohë të shtuar me rezultat të barabartë, 3 me 3, Argjentina e mundi Francën në penallti, me shënimin e katër golave.
WHAT A GAME OF FOOTBALL !! Congratulations Argentina ?? !
— Niall Horan (@NiallOfficial) December 18, 2022
Ive never watched soccer before but this shit LIT
— The Chosen One (@KiDCuDi) December 18, 2022
Wow #ArgentinaVsFrance what a match! Feel sad for France but proud for #Messi?
— Boy George (@BoyGeorge) December 18, 2022
Messi Messi Messi
— marshmello (@marshmello) December 18, 2022
