Artistja me famë botërore, Vanesa Hudgens, është bërë nënë. Ajo ka mirëpritur fëmijën e parë, të cilin e ka me bashkëshortin, atletin Cole Tucker.
Ajo lindi fëmijën të mërkurën, në ditën kur burri i saj Tucker festoi 28-vjetorin e lindjes. Gjinia e fëmijës nuk dihet ende, shkruan Entertainment Tonight.
Ajo pati bërë të ditur se është shtatzëne, pasi u shfaq me barkun e fryrë në tepihun e kuq të ceremonisë së ndarjes së çmimeve “Oscar”.
“Vanessa është duke shkëlqyer dhe duke e përqafuar këtë kapitull të jetës së saj. Ajo nuk do të mund të ishte më e lumtur se tash. Ajo mezi po pret të bëhet nënë dhe dëshiron të bëhet shembull i mirë për fëmijën”, pati thënë një burim i afërt me artisen për ET.
Lajmi se Vanessa është shtatzënë erdhi disa muaj pasi ajo u martua me atletin në Tulum të Meksikës, më 2 dhjetor të vitit të kaluar.
