Turneu “Eras” i këngëtares Taylor Swift mblodhi 2.2 miliardë dollarë në ecurinë e tij gati dyvjeçare, duke u bërë turneu me fitimet më të larta të të gjitha kohërave për të dytin vit radhazi, vlerëson Pollstar nga të dhënat e mbledhura nga 149 koncerte.
Associated Press siguroi të dhënat e reja të hënën, mëngjesin pasi Swift përfundoi turneun me shfaqjen e tij të fundit në Vankuver të Kanadasë. Vitin e kaluar, turneu historik i Swift u bë i pari që kaloi kufirin e miliardë dollarëve.
Në Amerikën e Veriut, turneu i Swiftit mblodhi rreth 1.04 miliardë dollarë gjatë periudhës së tij. Në nivel global, ky numër shkon në rreth 2.2 miliardë dollarë.
“Ajo që Taylor Swift dhe ‘The Eras Tour’ arritën në 21 muaj në pesë kontinente përpara 10 milionë fansave është e jashtëzakonshme dhe e paprecedentë. Bruto i vlerësuar prej 2.2 miliardë dollarësh i turneut është më i larti i të gjitha kohërave”, ka thënë Andy Gensler, kryeredaktor i Pollstar & VenuesNow, në një deklaratë.
Turneu i dytë më i madh është koncerti që po vazhdon i Coldplay "Music of the Spheres", i cili ka mbledhur rreth 1.14 miliardë dollarë që nga marsi i vitit 2022.
Sipas Pollstar, Coldplay ka shitur më shumë se 10.3 milionë bileta, turneu i Swift-it shiti pak më shumë se 10 milionë, që do të thotë se ajo ka shitur më shumë bileta nga çdo interpretues solo.
