Mbrëmjen e djeshme në Pallatin e Kongreseve, në Tiranë, është zhvilluar konkursi i bukurisë i 'Miss Universe Albania 2018', i cili ishte live në KTV.
Fituesja e këtij konkursi është Trejsi Sejdini,18 vjeç. Bukuroshja nga Elbasani rrëmbeu vendin e parë mes tre finalistëve.
Shoqëruesja e parë e missit u përzgjodh Ajli Hoxhaj dhe Irene Dama shoqëruesja e dytë.
Të ftuar specialë ishin dhe këngëtarët më të famshëm shqiptarë, si Claydee Lupa, Aurela Gaçe, Çiljeta Xhilaga dhe Ylli Limani.
Trejsi Sejdini do të përfaqësojë Shqipërinë në konkursin e 68 të “Miss Universe”.
