Këngëtarja me famë botërore, me origjinë shqiptare, Rita Ora, më datë 18 të këtij muaji do të lansojë linjën e saj me produkte për trajtimin e flokëve.
Këngëtarja e aktorja po krijon linjën e saj të produkteve të mirëmbajtjes së flokëve, që do të emërtohet “Typebea”, ku do të përfshihen serume, tretmanë për shkëlqim, shampo e zbutës, produkte të cilat kanë për qëllim riparimin e flokëve të dëmtuar.
“Typebean” këngëtarja e krijoi në partneritet me biznesmenen australiane të produkteve të bukurisë, Anna Lahey.
Lajmin e bëri të ditur vet Ora, përmes llogarisë së saj në rrjetit social Instagram.
“Jam shumë e emocionuar që më në fund po tregoj rreth një pasioni të madh që kam. ‘TYPEBEA’, produktet kualitative për kujdesin e flokëve, që kam krijuar bashkë më Anna Lahey. Marrëdhënien që kemi me flokët tanë është diçka shumë personale. Për mua flokët janë një pjesë e madhe e identitet tim, kreativitetit dhe vetëbesimit. Përgjatë karrierës kam pasur pothuajse çdo stil e ngjyrë të flokëve. I kam zbardhur, kam përdorur shtesa e i kam prerë të shkurtra. Por tani mund të them se flokët i kam më të shëndetshëm së kurrë. Mezi po pres ta ndaj këtë me ju! ‘TYPEBEA’ do të lansohet shumë shpejt!”, ka shkruar shqiptarja.
Fansat u treguan entuziast për t’i parë e për t’i provuar produktet e Oras, pasi komentet e tyre në postimin e saj ishin të shumta, ku shkruanin se mezi po presin t’i provojnë.
Ora, vitin e kaluar pati bërë një bashkëpunim me kompaninë Lidl, ku pati lansuar disa pajisje elektrike për stilimin e flokëve me çmime shumë të volitshme.
Adhuruesit të cilët i kishin provuar këto produkte dhe patën postuar video me komente pozitive në rrjete sociale.
