Ekipi i Drakes ka mohuar raportimet se reperi është arrestuar së fundmi në Suedi.
Spekulimet në rrjetet sociale të enjten, 14 korrik, sugjeruan se ylli kanadez është marrë në paraburgim nga policia lokale nga një klub nate në Stokholm, raportoi The Hollywood Reporter.
U raportua edhe se në rrjetet sociale po bëheshin thirrje për lirimin e tij.
Por, një përfaqësues i reperit ka konfirmuar se thashethemet janë të rreme.
Drake thuhet se është ulur në aeroportin Arlanda të Suedisë të mërkurën me një avion privat. Nuk dihet nëse ai është atje për punë apo për arsye personale.
