Haili Jade Scott, vajza e reperit të njohur amerikan, Eminem, është martuar me partnerin e saj të kamotshëm Evan McClintock, në një ceremoni private.
Në këtë ceremoni morën pjesë edhe shokët e Eminemit, yjet si producenti Dr.Dre dhe këngëtari 50 Cent, shkruan The Independent.
Adhuruesit e reperit e mirëpritën lajmin, të cilin e konfirmoi 28-vjeçarja Haili përmes një postimi që bëri të hënën në rrjetin social Instagram.
“Zgjimi si gruaja e dikujt këtë javë. Nuk do të mund të kishim kërkuar për ndonjë vikend më të bukur a më të mirë. Na pikuan shumë, shumë lot gëzimi e të qeshurash që patëm dhe u ndie shumë dashuri. Evan e unë jemi mirënjohës ndaj të gjithë familjarëve e miqve që na mbështetën për këtë kapitull të ri në jetën tonë si burrë e grua”, ka shkruar Haili.
Ceremonia dukej të ishte ngjarje modeste në Battle Creek të Michiganit, që u mbajt në Greencrest Manor, raportoi TMZ.
