Joe Jonas dhe Sophie Turner thuhet se do të martohen për herë të dytë në kështjellën historike “Chateau de Tourreau” në Francë këtë fundjavë.
Ylli i popit fillimisht u martua me aktoren Sophie të Game of Thrones në një ceremoni të improvizuar në Las Vegas më 1 maj (2019), por tani ata po përgatiten ta festojnë bashkimin e tyre me një ngjarje më formale në Sarrians, pas rezervimit të kështjellës së restauruar të shekullit të 18-të për ceremoninë e tyre martesore.
Çifti dhe të ftuarit në dasmën e tyre, duke përfshirë edhe vëllezërit e dhëndrit Nick dhe Kevin Jonas dhe bashkëshortet e tyre, u fotografuan duke arritur në vendin e ngjarjes të enjten (27 qershor), ndërsa familjet e Joe dhe Sophie thuhet se po qëndrojnë në një pronë private në të cilën një dhomë e gjumit kushton 5,000 dollarë për natë, ku mysafirët kanë qasje në pishinë, bodrum vere dhe një fushë tenisi, shkruan KOHA Ditore.
Ceremonia e tyre e dytë martesore pritet të zhvillohet të shtunën, gjë që u mësua falë një postimi në “Instagram” nga guruja amerikane për vetëndihmë, dr. Phil McGraw, i cili është mik i çiftit dhe do të marrë pjesë në martesë. Atij si duket i “rrëshqiti” data e martesës kur e komentoi një foto të cilën fundjavën e kaluar Joe e kishte postuar ku ai e puthë gruan e tij të re ndërsa Kulla e Eiffelit në Paris shihej në distancë.
"Më ngadalë tani! Kanë mbetur edhe 1 javë! Ha!" shkroi McGraw. "Shihemi në dasmë!"
Joe dhe Sophie mbërritën në Paris javën e kaluar (më 21 qershor) me një grup të të afërmve për t'u përgatitur për ditën e tyre të madhe dhe pastaj udhëtuan për në një fshat në Provence për pak kohë, përpara se të shkonin në Sarrians.
Çifti u fejua në vitin 2017 pas një lidhjeje rreth një vit.
