-
Përktheu:
Vita Abrashi-Kajtazi
- 24 prill 2025 09:50
- Shpërndaje në:
CNN ka raportuar se janë bërë publike nominimet për çmimet prestigjioze American Music Awards (AMAs) 2025, ku reperi Kendrick Lamar kryeson listën me 10 nominime, përfshirë kategoritë kryesore si “Artisti i Vitit”, “Albumi i Vitit” dhe “Kënga e Vitit”.
Pas tij vjen artisti Post Malone me 8 nominime, ndërsa Billie Eilish, Chappell Roan dhe Shaboozey kanë nga 7 nominime secili. Taylor Swift, e cila tashmë mban rekordin si artistja më e shpërblyer në historinë e AMAs me 40 çmime, këtë vit garon në 6 kategori, dhe mund të thellojë më tej rekordin e saj.
Ceremonia e ndarjes së çmimeve do të mbahet më 26 maj në Las Vegas dhe prezantuese do të jetë artistja e mirënjohur Jennifer Lopez.
Disa prej të nominuarve në kategoritë kryesore për AMA 2025:
Artisti i Vitit
Ariana Grande
Billie Eilish
Chappell Roan
Kendrick Lamar
Morgan Wallen
Post Malone
Sabrina Carpenter
SZA
Taylor Swift
Zach Bryan
Artisti i Ri më i Mirë
Benson Boone
Chappell Roan
Gracie Abrams
Shaboozey
Teddy Swims
Tommy Richman
Albumi i Vitit
Beyoncé – Cowboy Carter
Billie Eilish – Hit Me Hard and Soft
Chappell Roan – The Rise and Fall of a Midwest Princess
Charli XCX – Brat
Gracie Abrams – The Secret of Us
Future & Metro Boomin – We Don’t Trust You
Kendrick Lamar – GNX
Post Malone – F-1 Trillion
Sabrina Carpenter – Short n’ Sweet
Taylor Swift – The Tortured Poets Department
Kënga e Vitit
Benson Boone – Beautiful Things
Billie Eilish – Birds of a Feather
Chappell Roan – Good Luck, Babe!
Hozier – Too Sweet
Kendrick Lamar – Not Like Us
Lady Gaga & Bruno Mars – Die With A Smile
Post Malone feat. Morgan Wallen – I Had Some Help
Sabrina Carpenter – Espresso
Shaboozey – A Bar Song (Tipsy)
Teddy Swims – Lose Control
Kendrick Lamar po dominon skenën me një album dhe këngë që kanë krijuar debat publik dhe janë përshëndetur nga kritikët, përfshirë këngën “Not Like Us” dhe bashkëpunimin me artistet SZA në Luther.
Taylor Swift, sipas “The New York Times”, vazhdon të jetë “forcë e pandalshme në industrinë e muzikës pop” dhe albumi i saj më i fundit “The Tortured Poets Department” është cilësuar si “reflektim elegant mbi ndjenjat moderne”.
Chappell Roan, ndër zbulimet më të mëdha të vitit, ka mahnitur publikun me stilin e saj të guximshëm dhe me albumin e lavdëruar “The Rise and Fall of a Midwest Princess”, të cilin “The Guardian” e ka quajtur “ himn ‘queer’ për një brez të ri artistësh”.
Beyoncé, për herë të parë e nominuar në kategorinë e zhanrit të muzikës country me albumin “Cowboy Carter”, ka marrë vëmendje të madhe dhe është përshëndetur për guximin e saj për të sfiduar kufijtë gjinorë dhe ata të zhanreve, sipas “The Times”, ky album është “shprehje i rrënjëve dhe identitetit të afroamerikanëve në Amerikë”.
