Fituesit në spektaklin “iHeartRadio Music Awards 2025”

Ceremonia e ndarjes së çmimeve "iHeartRadio Music Awards 2025" u mbajt të hënën në Dolby Theater në Hollywood dhe u shoqërua me çmime nderi dhe performanca spektakolare, ka raportuar CNN.

Në mesin e momenteve kryesore të mbrëmjes ishin fjalimet e artistes Lady Gaga, e cila u nderua me çmimin “Innovator Award” dhe këngetares Mariah Carey, e cila mori çmimin “Icon Award”. Carey kujtoi nënën e saj të ndjerë, Patricia Carey, e cila vdiq në muajin gusht të vitit të kaluar.

Në krye të nominimeve ishin artistë si Taylor Swift dhe Morgan Wallen me nga 10 nominime, ndërsa Kendrick Lamar, Post Malone dhe Sabrina Carpenter kishin nga 9 nominime secili.

Swift, e cila nuk mori pjesë në ngjarje, u nderua me çmimin “Tour of the Century” për suksesin e jashtëzakonshëm të turneut të saj “Eras Tour”.

Performancat dhe momentet më të spikatura

Mbrëmja u prezantua nga artisti LL Cool J dhe përfshiu performanca nga artistë të tjerë si Bad Bunny, Billie Eilish, Gracie Abrams dhe Nelly, i cili këndoi një përmbledhje të hiteve të tij pasi u nderua me çmimin “Landmark Award”. Artistja GloRilla, e cila gjithashtu performoi, fitoi çmimin “Hip-Hop Artist of the Year”.

Ceremonia gjithashtu nderoi Los Angeles Fire Department (LAFD) për përpjekjet e tyre në luftimin e zjarreve shkatërrimtare që përfshinë zonën në muajin janar, duke nxitur donacionet për fonacionin bamirës “FireAidLA.org”.

Lista e fituesve kryesorë 

Kënga e vitit: “Beautiful Things” – Benson Boone

Kënga pop e vitit: “Espresso” – Sabrina Carpenter

Artisti pop i vitit: Sabrina Carpenter

Artisti i vitit: Taylor Swift

Bashkëpunimi më i mirë: “Die With A Smile” – Lady Gaga dhe Bruno Mars

Artisti i ri më i mirë (Pop): Teddy Swims

Kënga country e vitit: “I Had Some Help” – Post Malone feat. Morgan Wallen

Artisti country i vitit: Jelly Roll

Artisti i ri më i mirë (Country): Shaboozey

Kënga hip-hop e vitit: “Not Like Us” – Kendrick Lamar

Artisti hip-hop i vitit: GloRilla

Artisti i ri më i mirë (Hip-Hop): BossMan Dlow

Kënga R&B e vitit: “Made For Me” – Muni Long

Artisti R&B i vitit: SZA

Artisti botëror i vitit: Tyla