Filmi i parë i madh i Johnny Deppit që nga fitimi i një gjyqi të ashpër dhe të diskutueshëm për shpifje vitin e kaluar – një dramë në të cilën ai luan mbretin Louis XV të Francës – do të hapë Festivalin e Filmit në Cannes në maj.
Depp xhiroi dramën "Jeanne du Barry" menjëherë pas gjyqit, në të cilën juria zbuloi se ish-gruaja e tij Amber Heard kishte shpifur kur ajo e përshkroi veten në një shkrim të vitit 2018 në The Washington Post si një "figurë publike që përfaqëson abuzimin në familje”.
Që nga fitorja e Deppit në gjykatë, ai është kthyer sërish në sy të publikut, duke u shfaqur në një shfaqje mode të mbështetur nga Rihanna dhe në MTV Video Music Awards; ai gjithashtu hapi një llogari në TikTok. Por premiera në Cannes është përqafimi i parë publik i aktorit nga industria e filmit që nga gjyqi, ku ai mohoi akuzat e Heardit për abuzim fizik dhe seksual dhe u përpoq ta portretizonte atë si agresore në marrëdhënie, raportoi NYT.
Filmi do të jepet premierë më 16 maj pas ceremonisë hapëse të festivalit dhe do të debutojë në kinematë franceze në po të njëjtën ditë.
