Fansi i propozon martesë Dua Lipës derisa po performonte, e refuzon në mënyrë të ëmbël

Këngëtarja kosovare me famë botërore, Dua Lipa, ka marrë një propozim për martesë nga një fans derisa ajo po performonte në turneun e saj botëror “Future Nostalgia”, shkroi të dielën Daily Mail.

Mirëpo, këtë propozim ajo e refuzoi në një mënyrë të ëmbël. Ajo ia kushtoi këtij fansi një nga këngët e saj.

Në një video që është bërë virale në TikTok, këngëtarja 26-vjeçare, shihet teksa performoi në skenë, kur iu drejtua një djali në turmë dhe i tha se po përpiqet ta lexojë se çfarë shkruan në bluzën e tij.

“Çka thotë ajo?”, pyet Lipa për mbishkrimin “Marry me Dula peep”, në maicën e këtij fansi.

Superylli vazhdon duke thënë: Fatkeqësisht nuk mund të martohem me ty, por mund ta dedikoj këtë këngë nëse dëshiron?

Kënga të cilën ajo e këndoi pas këtij bashkëbisedimi në distancë me fansin e saj, ishte “Good in Bed”.