Fansat e “Wicked” po filmojnë skena nga filmi ndërkohë që Hollywoodi nuk po shqetësohet

Në skenën e fundit të filmit “Wicked”, aktorja Cynthia Erivo fluturon mbi Oz dhe këndon këngën “Defying Gravity”, duke ngjallur duartrokitje dhe duke shkaktuar lot e emocione tek audienca.

Por tani, kjo skenë duket se s’kërkon një biletë për ta parë.

Videoja e plotë e katërminutëshe e përfundimit të filmit është tashmë nëpër rrjete sociale si X dhe TikTok, e mund të shihet falas.
 

Variety, për këtë fenomen po e mban përgjegjës Hollywoodin, i cili duket se s’po shqetësohet shumë, pasi fansat e “Wicked” s’po ndalen së incizuar skena të plota me telefonat e tyre. Disa e bëjnë këtë për të dokumentuar entuziazmin për filmin, ndërsa të tjerë për të shprehur adhurimin e tyre.

Ka disa video, përfshirë të tilla ku një spektator përpiqet të këndojë notat e Erivos në një përpjekje për ta imituar performancën e saj, dhe ka qindra postime të performancës së Ariana Grande në “Popular”, ku fansat lavdërojnë aftësitë e saj komike dhe ato të vallëzimit.

Një fenomen i tillë nuk është i ri pasi disa skena nga filmi “Queer” dhe “Gladiator II” gjithashtu kanë rrjedhur në TikTok e X, duke u shpërndarë gjerësisht.

Por çfarë është më interesante, është se këto pirateri po kalojnë pa u vënë re nga studio të fuqishme antipiratëri dhe ekipet ligjore, ndërkohë që shumë materiale po shpërndahet pa u censuruar nga rregullat e komunitetit të platformave sociale.

“Diçka ka ndodhur pas pandemisë, ku sjellja e spektatorëve në kinema ka ndryshuar shumë. Audiencat e reja janë më të guximshme dhe më të gatshme të ndajnë material të gjatë, material që nuk është më thjesht një film, por një formë konsumimi”, ka thënë për “Variety”, një ekzekutiv i lartë i kinemasë.
Ky fenomen u theksua me publikimin e filmit “Deadpool & Wolverine”, ku aktorët Ryan Reynolds dhe Hugh Jackman u panë të shpërndanin dhe komentonin material të incizuar nëpër kinema.
 

Në mënyrë të ngjashme, të pavarur nga përgjigja zyrtare e kompanisë “Universal Pictures” për piraterinë e “Wicked”, një burim ka thënë për “Variety” se ekipet e brendshme janë aktive në heqjen e materialeve të paligjshme në shumicën e rasteve.

Megjithatë, studiot janë të fokusuara kryesisht në parandalimin e piraterisë që lidhet me shpërndarjen e filmave të plotë nëpër platforma të ndryshme ndërkombëtare dhe jo me “luftën kundër minjve” që ndodh me postime në rrjetet sociale.
 

Në disa qarqe të industrisë, madje ka mendime që këto shkrime pa pagesë mund të nxisin audiencat më të reja të shkojnë më shumë në kinema. Disa fansa të “Wicked” kanë krijuar video të tipit “para dhe pas”, duke filmuar fytyrat e tyre në mes lotësh nga emocionet që përjetuan gjatë përfundimit të filmit, si një mënyrë për të frymëzuar të tjerë që të shkojnë ta shohin filmin.

Ky fenomen është krahasuar me përdorimin e fotografive të audiencës që shohin filma horror.

Nga ana tjetër, disa kinema dhe përdorues të rrjeteve sociale janë më të shqetësuar për këtë sjellje të piratëve të kinemasë.

“Trego fotot e tua të ‘Wicked’”, ka shkruar një përdorues në X, ndërsa llogaria zyrtare e zinxhirit të kinemasë Alamo Drafthouse iu përgjigj: “Ose, mos bëni ashtu”

Të tjerë e quajtën këtë sjellje si “shumë të paligjshme”, duke theksuar se kjo ka shkelur normat sociale të spektatorëve.

Në fund, ndërsa personazhi Elphaba mund të mos jetë më nën ligjet e fizikës, duket se ka disa norma shoqërore që nuk mund të sfidohen.