Dafina Zeqiri e Capital T me këngë të reja dashurie

Kohët e fundit janë publikuar shumë projekte muzikore nga artistët vendorë e të huaj.

Capital T është njëri nga ta i cili brenda një projekti i ka përmbledhur dy këngë.

“Për ty” dhe “Dy zemra” janë versionet e publikuara për ditën e të dashuruarve.

Pjesa e parë e videoklipit është e frymëzuar nga loja GTA, derisa pjesa tjetër vjen me protagonist vetë këngëtarin Trim Ademin. Videoklipi është realizuar me regji të Andi Deçanit. Tekstin e ka shkruar vetë reperi, ndërsa projekti është prodhim i Rzon dhe Pllum.

Përveç Capital T, edhe artistja shumë aktive në skenën tonë muzikore, Dafina Zeqiri, e ka lansuar një projekt të ri.

“Mos e lëndo” është kënga e cila është edhe pjesë e albumit të saj të fundit “Dafinë Moj”.

Edhe në këtë këngë, pjesë e videoklipit u bë partneri i Zeqirit, Dj Geek.

Kujtojmë që albumi “Dafinë Moj” u lansua në tetor të vitit të kaluar, ndërsa që nga ajo kohë Dafina i ka sjellë disa këngë të tij të shoqëruara me videoklip.