Aktorja turke, Melisa Sozen, është marrë në pyetje nga policia në Stamboll mbi dyshimet për “promovuar propagandë terroriste” në një serial televiziv francez në vitin 2017.
Sozen ka luajtur rolin e një agjenteje të dyfishtë që luftonte militantët islamikë në serinë e famshme “The Bureau”.
Në muajt e fundit ajo ka qenë cak në rrjetet sociale për shkak të karakterit që luajti, “Esrin”, ku kishte veshur një uniformë që konsiderohet e ngjashme me atë të militantëve kurdë me bazë në Siri “YPG”, e cila nga Turqia konsiderohet grup terrorist.
Sozen ka dhënë deklaratë në polici kur është kthyer në Turqi, por nuk është arrestuar, raportoi DHA.
Sipas mediave turke, Sozen i ka thënë policisë se nuk e dinte që kostumi në serial ngjasonte me atë të një grupi terrorist dhe se “The Bureau” nuk është shfaqur në Turqi.
“Nuk i pranoj akuzat e rreme që janë hedhur ndaj meje. Seriali nuk ka qenë projekt i fshehtë, por serial shumë i famshëm francez”, ka thënë ajo në një reagim.
